Mjaft – Zoica Gjolla Popi

Poezi
Autore: Zoica Gjolla Popi
Albania

Mjaft

Dua të zë tëmthat me duar
kērkoj… kërkoj por c’farë
s’më bie në mënd
varur rri moskuptimi kryeneç
në pabesinë e shpifjes
të thënça mirë mbetsh.

Pa shih na qenka ç’na qenka
lëkurën e qëngjit
paska veshur ujku
po i besove verbërisht
dredhisë
mbetur mes katerudhëve
do të rrish.

Zëdredhur a zëçjerrë
me hir apo pa hir
nuk dua ta di
do largohem me vrap
mjaft u laga gjer në palcë
në urën e pajtimit mos u takofshim as aty s’do të flas
ka një
Mjaft
kur shpirtin ma plas!