Çobanesha( motive popullore) – Zoica Gjolla Popi

Poezi
Titulli: Çobanesha( motive popullore)
Autore: Zoica Gjolla Popi
Albania

Çobanesha

Jam çobaneshë, moj, nga mali
Seç m’u qep nga prapa djali,
Më ra pas , moj, e s’m’u nda.

Në je çobaneshë e mirë,
Si qengji më lër të pi!
Kështu, moj shoqe më tha.

I besova unë e ngrata,
E lashë tufëzën në pllaja
Qengjat të blegërijnë.

Më puthte me lajka
Mendja më mbeti mbrapa,
Thomëni, shoqet e mia.
Bëra keq, a bëra mirë?!

Shpërndaje në rrjetet sociale: