Natë, moj! – Zoica Gjolla Popi

Natë, moj!

Natë, moj e mira natë
qëndisma trupin me yjet e parë
të rrezatoj në dhimbjembyllura
të pagulçuara, të padala!

A t’ia themi njëherë shtruar
me qetësinë tënde mbështillmë
mbamë ngrohtë të rrëfehem
zëri i shpirtit të më vijë.

Dhe në shkretëtirë mbetsha
këmbëzbathur rërë e nxehtë
të më djegë e përvëlojë
dhimbshëm do të zgjojë.

Sikur këmbët mos më mbajnë
apo të më merren mendtë
symbyllurazi të dyja
një oaz do ta gjejmë.

Dridhu, moj trembja ime
fshihu ku të duash ti
me ajrin jemi në paqe
nate, djep i ëmbël fli!