Puthja e një bebe – Zoica Gjolla Popi

Gjithçka në respekt te lexuesve te mi!
A zbulojmë njërën lirikë të librit të 6-të me poezi para botimit?

Puthja e një bebe

Dikush fotografoi
Momentin e fundit të perëndimit
Lëmsh i zjarrtë sikur rrëshqiti pas kodrës
Duke i dhënë formën e një vullkani të Sapoformuar.

Pansete shumëngjyrëshe
Kanë kthyer fytyrat në anën tjetër.

Një bebe me vështrim të hutuar
Zgjaste kokën pas karrocës
Qeshte me zërin e shpirtit
E putha me dorë
Sikur njiheshim prej kohësh.

Përshëndetje e tejzgjatur
E intervaleve të ndryshme
Në kahe të ndryshme
Në një lindje e muzg të thekur.

Autore
Zoica Gjolla Popi
Albania