Mos qaj – Zoica Gjolla Popi

Mos qaj

Qielli qan me lotët e mi
por ti
mos qaj
me lotët e shpirtit tim!

Puthmë!
nga fjalëmblat
në tokën e lagur
plot jaseminë
do të çelin…

Erëmirat…
do të mbështjellin
në gjoksin tim…

Sa shumë dhimbje
por ti e di
ohhh… psherëtimat…
në urë shpirtërash kalojnë!

Në flakë zjarri…
more, u mbetshin!

Në lojë ngjyrash
koha nuk mbetet
peng i shqisave
Mos qaj!
Qeshu!

Degëpemet
si penela
kanë shtrirë krahët
drejt qiellit
në dekore mahnitëse.